بسم الله الرحمن الرحيم
السلام عليكم
شلونكم شخباركم
حالتي حالة مع شركة كيمس
الصراحة يعني الحالة كسيفة لأقصى درجة
كل يومين فاصلين علي النت
كل يوم متصل عليهم السرعة بطيئة
يعني تخيلوا مشترك 1mb
وسرعة التحميل
4 كيلو بايت
يا للهول !!
هذا غير الاسبوعين الي خلوني ملطوع بدون انترنت
هذا كله بصوب
وقصة الدعم الفني بصوب
كل ما اتصل عليهم
يلطعوني ساعة كاملة على ما يردون
وشريطهم كل يوم لازم يعيدونه
يا يقولون لي طف الراوتر ورد شغله
او يقولون لي الكيبيل البحري مقطوع
يعني ما دري يا انا غبي يا اهم اغباء !!
لا ومرة دقيت عليهم والغلط كان منهم
موظف الدعم الفني يكلمني من طرف خشمه ومعصب
فنصيحة مني
الي مفكر يشترك بكميز
خل يعيد حسابااته
خل يشترك بأي شركة إلا كيمز
=========================================================
من زمان مو داخل الماسنجر
وعدد رسايلي 9905
متعييز اقراهم او امسحهم
=====================================================
ما تلاحظوون هالأيااام كاثرة سالفة
ارسل هالأيميل تدش الجنة
وإذا مارسلته
الله راح ينزل عليك العذاب وماراح تتوفق بدنيتك
يعني ما ادري انت قسيم النار والجنة !!
ولا انت ملك من الملائكة
ولا تعلم الغيب وانا ما ادري !!
الصراحة يغثون
ولا أيميلات
الي يقولون
لا تاكلون أندومي فيه مواد مسرطنة
لا تاكلون ككاو فيه دهن خنزير
لا تاكلون دياي فيه انفلونزا الطيور
لا تاكلون لحم بسبة جنون البقر
السمج وخروا عنه بسبب المد الأحمر ونفوق السمج
وصلوا حتى حق الماي ما نشربه
فيه كلور ومو صافي
يعني بفهم شنو ناكل !!
وسامحوني ع القطاعة
الي كانت بسبب اشتراك النت
هناك ٩ تعليقات:
بالنسبة لسالفه هالرسايل
انا ما عطيهم ويه
لانه كله خرطي و مالهم معنى يعني الواحد
ما يقدر يصدقهم شلووون بينزل علينا
العذاب بالذمة @@
هريج بس
يعني الواحد يمسحهم احسن له و انا
ماادز لاحد رسايل ;p
انا بس كانت مهنتي انه اضحك عليك
كل ساعه طافي عليك النت وله الداون لود سرعة بيض
اي تعال انا بكتب الي مايدش مدونتي راح اييله ملك الموت ويقبض روحه
الله يعينك وااصل وااصل
انا اشتراكي كواليتي نت و هم بايخ و بطئ
أقول ترى اكو شي صدمني حده
عدد ايميلاتك 905 ؟ وللا 9905؟
تسعمية وخمسة ممكن لكن 9000 عدد لا يمكن اتخيله،من جم سنة مو مجيك ايميلك يعني؟
انا صارلي من شهر 8 العام ليما قبل جم يوم و انا حايشني كسل فظيع اني افتح ايميلاتي عاد وصلوا فوق ال800 ايميل و انصدمت من الرقم و حاشني احباط شديد منه،عاد شوي شوي هالايام شجعت روحي وقعدت افتح الايميلات و لقيت فيهم شغلات حلوة دزيتهم حق رفيجاتي
بالنسبة حق سالفة الايميلات اللي يلزمونك تدزها و يخرعونك بسالفة عدم التوفيق هذولة كلام فاضي لا تلزم روحك باللي يكتبونه
اما عن التحذيرات من الأكل ترى مرات يكون صج،
اذا وصلك ايميل فيه جذي تأكد من الموضوع لأن ترى وقتنا فعلا منتشر فيه الاكل اللي اييب الامراض
وتحياتي لك خيو
بالنسبة لشركة كيمز على الاقل فيهم ميزة وحدة بغض النضر عن سرعتهم الزفت ألا هي عدم حجم المواقع باستهتار ورعونة ولأتفه الاسباب مثل شركة كواليتي نت التي حجبت العديد من المواقع لسبب لا يكاد يذكر
الزبدة :-
كل شركة لها مميزات وسلبيات
يعني تحمد ربك واسكت احسلك :)
كيمز ودعهم ..
وسالفة اذا ما نشرت هذي وايد مصخت ..
قبل جم يوم دازين لي مسج ( اليوم الأحد .. دزها لسبع أشخاص يصير باجر الاثنين .. مجربة ) ;p
باريس
انا من اشوف هالرسايل اسكر الماسنجر بكبره
مشكوة ع الزيارة وع الكومنت
================================
المباركية
ايه مقيولة الي أيده بالنار مو مثل أيده بالماي
يارب يطفي عليك الماسنجر او يخترب الراوتر علشان اقعد اسبوع اضحك عليك << نحااسة
انا الي مايدش مدونتي يسقط بكل امتحاناته
================================
تروث
يعني كلنا بالهوا سواا
لا 9905
تسعة آلاف وتسعمائة وخمسة
وأبشرج زادوا 5 رسايل صاروا 9910
عيل انا من اقرى ان هالأكلة فيها شي ضار او شي جذي
على طول ادق السيارة سلف وع الجمعية اشتريه
ومشكورة خيتووو ع الزيارة والكومنت
===================================
العيمي
ع الاقل النت سريع مال كواليتي
سالفة المواقع المحجوبة عـآدي في مليون طريقة نفتحها
بس الانترنت شلون تزيد سرعته
الظاهر ان كل شركات الكويت زفت
الحل الوحيد ان احنا نبلع العافية ونسكت مثل ما قلت
=========================
أحمد الحيدر
ميخالف أودعهم بس تييب لي بحسابك
اشتراك انترنت 2 ميجا :P
لوووووووووووووووووووووول
انا دازين لي ان امس الجمعة اليوم صار السبت
الظاهر فيها تلاعب الرسالة :P
إيميلاتي بحساب المسنجر 10172
الصراحة ما أفكر أقراهم !!!
:)
أمبيه عاد تصدق أنا كنت احن على ابوي ابي اشتراك كيمز
والسبه المأساة مالت اشتراكنا اللي الحين مال الشو تايم!
لازم نسوي حملة و نسوي قمر صناعي بس حقنا أحنا المدونين
وطبعا زين الايقو لا حدث ولا حرج
مساء الخير..،
احسن اشتراك للانترنت هو من فاست تلكو، انا جربتهم وجربت الوطنية، بس بصراحة فاست تلكو ممتازة حتى خدمة العملاء تريح القلب
إرسال تعليق