بسم الله الرحمن الرحيم
هلا شلونكم .!؟
شخباركم .!؟
أعذروني على عدم التواجد الدائم هالاياام
بسبة الكمبيوتر والنت صايريين بطيئيين حييل
كل ما بفتح المدونة يبي لها سنة على ما تفتح حزتها
اسوي ريستارت للكمبيوتر ولمن يشتغل انسى سالفة المدونة
واقعد احوس بالمواقع
المهم يا طويليين العمر ما لكم بالطويلة ندخل بالموضوع
أمس صارت لنا حادثة لازم تسجل بصفحات التاريخ الرمادية ( يعني مو سودة ولا بيضة)
هذا وانا كنت احوس بالنت و قاعد أضبط بالموقع مالي
وتوونا كنا مضبطيين السفرة و حاطينها وناجبيين كل شي
وأثناء ما أحنا نسمع صوت المؤذن
بس قال الله أكبر ما كمل أذانه
وإلا الكمبيوتر طافي والدنيا خرمس
واحنا تمينا قلنا الحيين بنتفطر شلوون
قلنا خل ننتظر يمكن الحيين يصلحون العطل
بالنهاية قررنا ان احنا نتتفطر فطور رومانسي على الشمووع
رحت الحوش علشان أجيك ع البوكساات يمكن صار ألتماس ولا شي
فتحت كل البوكساات مالت البيت كل الأزرار محطوطين على on
ساعتها عرفت ان من البوكس الرئيسي مال الحكومة
قلت في نفسي خل اروح افتح البوكس مال الحكومة واشوف شالسالفة
بعديين قلت لا يا معوود انا لا اقعد اجيس شي وانا ما اعرفه
هذي حكومة مو لعب يهاال
بعدين رحت قلت حق ابوي خل نتصل على طواريء الكهربا
وكلكم عارفيين طبعا سرعتهم في الوصول
انتظرنا ساعة كاملة بعديين وصلوا
ولا جان زين صلحوها بعد
قالوا هذا مو شغلنا وقبوا
بالله شلون مو شغلكم هذا البوكس مال الحكومة احنا مالنا شغل فييه
بعديين اتصلنا على كهربائي ولمن وصل تبين لنا أن في وايريين محروقيين
ولازم يبدلهم وهالوايريين ما في منهم بكل مكاان
تمت الكهربا ثلاث ساعات طافية علينا
لحد ما بدل الواير
وأشتغلت الكهرباء بسلاام
وبعد هالمعركة والحرب الي دخلنا فيها
ما وعينا إلا واصابيعنا محروقة من الشموع
والشمع مالي البيت كله
====================
في صور صورتهم بالكاميرا حق السفرة
بس الحيين ما عندي بلوتوث إن شاء الله باجر أشتري بلوتوث وانزلهم
وأعتذر مرة ثانية ع القصور وعلى عدم التواجد الدائم وقلة البلوقااات
اليوم ١٠٩: مطعم IHOP
قبل ٥ ساعات
