بسم الله الرحمن الرحيم
عدت والعود بإذن الله أحمدُ
بعد انقطاع طويل
كان سببه الامتحانات
ولويتها وامراضها
وبحاول أكتب بوستات بشكل شبه يومي
==========================================================
سؤال من زمان يفتر ويحوس بمخي
ويقرقع بقلبي
ليش المدونين لي بغوا يتفلسفون
يقولون صحوت على كوب من القهوة
وكل الي يكتبون خواطر واشعار يذكرون القهوة
أو يقولون على انغام المعسل
يعني شفيهم الجاي والقدوو
هناك ١٢ تعليقًا:
ولكم ’’ ولكم
لوول نصهم يقومون من النوم ويشربون قهوه فرنسيه او امريكيه
ويكتبون لك خاطرة
تسلم تسلم
تسلم تسلم
شعبنا الكويتي يشرب القهوة
على باله بيصير مثل اللبنانيين
والامريكاان
لكن هيهات هيهاات
الله يسلمك
ويعطييك العافية ع الطلة
لوووووووووووووووووووول !
ضحكت عل قدو :p
يعني بالله عليك بتلقة خاطرة مكتوب فيها صحوت على انغام القدو :P؟
و ولكم بااك :P
ولكم باك
بس السؤال الي محيرك ما عندي له جواب ، يمكن عشان يحلون شوي ;p
بس قدو عاد و لا مره شفت ..هالمره بيقولون شيشه بعد
الله اعلم يعني ..
لما يكون الواحد فاضي مثلك
وما عنده سالفة ولا منطق
ويحط في باله ان يسوي له مدونة يكتب فيها سخافاته
وينتقد الآخرين بطريقتك الثقيلة الدم
عشان يقول انا عندي مدونة
انا مثقف
انا اعرف اكتب
حزتها يشوف ان اللي يكتبونه الناس اللي تعرف تكتب تقليد للآخرين
اكتب شي الناس تستفيد منه
ناقش فكره القارئ يطلع منها بنتيجه
لا تمشي مع التيار اللي يقول تحلطم تزيد التعليقات عندك
تميز بطرحك
ومو لازم تييب طاري القهوة اذا مو عاجبتك
اكتب عن شي ثاني
ودع الخلق للخالق
اذا هالمدونات مو عاجبتك لا تدخلها
انت وجودك هني له هدف
انك تثري الساحة التدوينية
مو انك تزيد بالتبربر والتحلطم
صارت المدونات تتشابه والسبه هبتكم
لا بارك الله في الساعه اللي دليتوا فيها طريج المدونات وانحسبتوا علينا مدونين
سوف افعل لك كما فعلت لأخي بانوراما بسؤال خفيف جدا
لو انت مدون كما تدعي و تريد ان تحسن سمعة التدوين لما علقت بغير معرف ؟
لو علقت بأسمك الشخصي لعرفناك وتعلمنا منك "السنع"
و شغله اخرى اود قولها
اذ هذه المدونة لم تعجبك لم تدخلها ؟
المدونات كثيرة بهذا العالم ولاتقتصر على هذه المدونه
شكرا لك على اسلوبك الراقي
ما ادري شكوو
لا بلقى خاطرة مكتوب فيها
صحوت على رنين القهوة :P
ويسلمووو
ومشكوور\ة على الزيارة
==============================
باريس
يسلموو
لا يمكن علشان يقولون احنا مثل الغرب
امبلة انا شفت وايد قدو
روحي سوق المباركية وتشوفين
@
أولا حياك الله في المدونة
ثانيا انا ما انتقدت احد
هذا مجرد تحلطم على الأشياء السيئة الي اشوفها
وتبريد مافي الجبد لا أكثر ولا أقل
وما فيها اي نوع من الغرور
وثالثا موقع بلوقر اعتقد مو مسجل
بأسمك
ولا شاريه من حلال أبوك
علشان تيي تحاسبني ليش اكتب جذي
وما اكتب جذي
هذي مدونة شخصية
يعني الي يعجبني بكتبه
ورابعا وهو الاهم
في ألفاظ أرقى من جذي
وما يحتااج هالألفاظ
إذا كنت تبي تنصح فجزاك الله خير
بس مو بهالطريقة
وإذا ياي تسبب مشاكل
وتوري الناس انك ريال
فالرجولة مو بهالشكل
الرجولة مو بالي يقعد يقدح بالناس
بأسماء وهمية
لو كنت تبي تطلع مراجلك
ادخل بأسمك الحقيقي
وتكلم على كيفك
اما بهالطريقة
فأسمح لي انت مو رياال
وخامسا
مثل ما قلت انت
إذا مو عاجبتك مدونتي
لاتدشها
محد طقك على ايده
وسادسا
لك جزيل الشكر
على تكبدك عناء الكتابة
واختيار الالفاظ المناسبة
وعلى إعطاءك الكثير من وقتك الي
ما يقدر بثمن
ولكموووووووش
اخييييييي ابي الغير معرف الاول ينتقد مدونتي بلييز استانس اذا احد انتقدني والله
ولكم باك
بالنسبة لسؤالك
ما ادري بس يمكن عشان البرستيج :/
*
حلا شربت
إي و الله !! الظاهر اللي يشرب جاي مو مثقف =$
طموحة
يسلموووووش
أوكي معاج
حتى انا استانس حق النقد
بس النقد لازم يكون بناء
وله اساسياات
مو بكيل الشتائم
==============================
يسلموو
اي يقولون القهوة الأمريكية
تخلي مودك عالي :P
===============================
تيماء
لوووول
الظاهر جذي
ويمكن الي يشرب قدو
متخلف ورجعي
إرسال تعليق