بسم الله الرحمن الرحيم
اليوم رحت الأفنيوز للمرة الثانية في هالأسبوع
مع أني محرم اني اطبه
لكن عند الضرورات تباح المحضورات
أول ما وصلت الافنيوز
حسبت روحي انا قاعد بلبنان مو بالأفنيوز
مترووس لبنانيين
وصاير الافنيوز جنه معرض الطعام
وين ما تروح حاطين كشك أكل
رحت افتريت
دشيت X-cite
شفت الاجهزة الموجودة
بعدها
أنطلقت متجها إلا حديقة الشعب
قبل لا ادخل حديقة الشعب
استغربت من اللوحة
كاتبين للعائلات فقط
يعني بدينا نرجع حق الماضي
كل شي حق العائلات
بس هذا ما يمنع اني ادخل
دخلت بطريقتي السرية البوليسية الأكشنية الدرامية الخاصة
بس لا تسألوني شلون لأني ماراح اعلمكم
وأول ما دخلت
شفت أصناف وايد
من موظة الشماغ الي تكلموا عنها ديكاتي و كويت ماستر
و موظة الساحر
كان بودي اني احط صور
بس للأسف أول ما وصلت طفا تلفوني
هو احدى شيين
يا التلفون لعين ولا التلفون يتليعن
وآخر شي حط بنا الرحال حق المطاعم
كل واحد طلب وجبة
ووصلنا بيوتنا
بسلام آمنين
محدثكم من إذاعة البلوقية
بانوراما
دعية ستان
اليوم ١٢٥: المنبه في iPhone
قبل ٢٢ ساعة
هناك ١١ تعليقًا:
اتشرف وبكل شرف اني اول واحد ارد عليك
دائما كويت ماستر بالمقدمه
ليش رحت افنيوز بعدين حديقة الشعب شمعنى مو حديقة الشعب و الافنيوز احسن
شيء احسن من لاشيء
على الاقل اللبنانين احسن من الاجانب والمصاروه
تصدق الكويت فيها شي عجيب الا وهوه المطاعم زحمة و المحلات يكشون ذبان
ياجماعة اي واحد عنده محل ملابس يحوله مطعم
عسى شريت جهاز
انته دخلت المنتزه الترفيهي بطريقة غير شرعية و ماتسمه درامية تسمه كوميديا
الشماغ لايمثل عن رأي صاحبه انما الدشداشة اذا كانت وصخة او نظيفه من تعبر
و ينطيك العافية
عساكم تعودنا
انا الي اتشرف ^_^
بس ما كان عندي نظرة ثاقبة للموضوع
رحت الافنيوز
جان تنط لي فكرة براسي اني اروح الشعب
قصدك صفر ع اليمين احسن من صفر ع اليسار
ذكرتني بنكتة يقول لك ( محشش بنا له مسيد شاف وايد ناس اييون له راح حولاه مطعم )
لا ما شريت جهاز بس اتطمش
وانت الصاج تسمى بوليسية
الله يعافيك
احسن شي ان نقعد في بيوتنا
واذا بنطلع نروح الديوانية
:)
مادري ليش العالم حاطه في بالها بتموت من اليوووووع !!!
امبيه بس بياكلووووون
صج المطعم مشرووووع ناااجح !!
و اللي يبيعون ملابس ينقعون ملابسهم و يشربون مايهم وايد احسن !!
اذا انت محرم عليك الافنيوز
انا مقاطعته قبل لا اشوفه من شئ سمعته عنه
:)
بعدين لا يكون طريقتك السريه اللى استخدمتها انك رحت حق بنات و قلت لهم دخلونى معاكم كانى من العايله
لوووووول
وايد سويتها انا
يكسرون الخاطر كانهم فئه منبوذه
والا كانهم مو اصلهم يايين من عوائل
حب لاخيك ما تحب لنفسك
ما اتصور انى برضى لو يقولون حق واحد من اخوانى ما تدخل مكان عائلات
و ما ارضى تنقال حق عيال الديره
لكن عاد الباجى عليكم لا تتحرشون ببنات خلق الله
و بسكم مشى و طنازه على الاولى و التالى
:)
جرب تروح القهوه الشعبيه
:q
@@
رايح حديقة الشعب بروحك !!!
عثماني
خووش حل ^_^
ومشكور ع الزيارة
و ع الكومنت
============================
برونزية
صدقتي الكويت صايرة
بين كل مطعم ومطعم مطعم
مشكورة ع الطلة
وع الكومنت ^^
==========================
على نفسها جنت
شنو الشي الي سمعتيه عنه .!؟ << لقافة
شلون تقولين اول شي مقاطعته
وفيها تاء التأنيث
بعدين سويتي الحركة الي تروحين مع البنات
انتي بنت
ما ادري هل انا ما اشوف عدل
ولا انتي كاتبة بدلية
المهم ما علينا
مو هذي طريقتي
انا طريقتي اذرب بوايد
=============================
كويت
لا مو بروحي
مع ربعي
لووول
انا بروحتي وردتي لازم امر على طريج الانفيو خخخخ
ماادخل له بس اشوف الزحمه اغلق @@
تبي تروح اي سوق او تطلع اي مكان
من 9 -11 الصبح
او 3-5 العصر
وباجي الساعات اقعد بالبيت
ههههههههههههه
لفت نظري موضوع العوائل هذا
اقول انا من رايي
تزوج وفك عمرك
لوووووووووووووووووووول
تركواز
لا تروحين له احسن لج
اتبعي المثل القائل
ابعد عن الشر وارقص له
ولا وقت من هذول الاوقات اكون فاضي
===================================
اقصوصه
هههههههههههههههههههه
انا ويين والزواج وين
اشتهيت اروح الافينوز
الله يكون بالعون بس
إرسال تعليق