بسم الله الرحمن الرحيم
الآن نحن على مشارف العـآم الدراسي الجديد
لتبدأ مع هذا العام _ عام الحزن كما أسميه_ رحلات طويلة من النصب والتعب والأعباء الشاقة
فنرى نورية الصبيح تصدر قرار من مكتبها المكيف المملوء بكافة انواع الترف والرفاهية
بدوام الطلاب في شهر رمضان المبارك
غير واضعة نصب عينيها الأعباء الدراسية
وشدة درجات الحرارة
وعدم وجود المكيفات في بعض الفصول
والجوع والعطش الذي يشعر به الطلاب نتيجة الصيام
بل وربما عدم وضع جداول لبعض المدارس
مما يؤدي إلى البعض لحمل الكتب كاملة
ويرهق بدنه بحمل ما لا يطيقه
لذا أرجو وأرجو
وأرجو كل الرجاء التااام
ان تهبنا نورية عطلة لمدة 14 يوما لا أكثر
لم أطلب الشيء المستحيل
فقط عطلة في رمضان تعيننا على الصيام
وتعيننا على العبادة
أرجو نشر الموضوع لتصل الرسالة إلى الجهات المعنية
اليوم ١٢١: هل ملاعب البادل الخارجية انتهت؟
قبل يوم واحد
هناك ٩ تعليقات:
الله يلوم الي يلومكم
ويكون بعونكم ويساعدكم
هونها و تهون :))
اي والله اليوم انا" بالثنويه " اشوف زحمه على البرادات اقول يمكن هذيله يتمضمضون وله شباب يسولفون لمن شفت وحبيت اتأكد من الامر طلعوا شباب كبار فاطرين وبسبب الحرارة الشديد مدرسه تشبه المخزن الكبير مكان مليء بالغبار والحراره ولاتوجد مكيفات ودرجة الحرار تقريبا 40
الله يسامح الوزيره الي مكيفه
manalq8
أي والله الله يلوم الي يلومنا
آميين يارب
أجمعين إن شاء الله
يسلموو ع الكومنت والزيارة
_____________________________
3bady
الي ايده بالماي مو مثل الي ايده بالنار
بس إن شاء الله تهون إن شاء الله
________________________________
بلوقرزي مبلتع
صح كلامك اخوي حر وغبار وعفسة
ومكيفات خربانة اقترح تغير اسم المدارس من بنين وبنات إلى جمال وجملات
ما ألوم الي فطروا
اللوم كله على وزيرة التعليم _ لأني ما اعتبرها تربية_
يعني شنو الضرر الي بتحصلينه من تأجيل الدراسة اسبوعين بس
ما راح تقوم القيامة ولا راح تنخفس الدنيا
ما اقول إلا
الي بيته من زجاج لا يحذف الناس بصخر
الله يسهل عليكم الدوام
والله يهدي اللي كان السبب
:)
ماجورين انشالله...
تبي الصج انا مع الدوام بالرمضان لانه خفيف ومايحسون فيه الطلبه ايام التكييف ...بس الحين ماكو تكييف واربع وعشرين ساعه صيانه ...
بس ترا الاسبوع الياي العشر الاواخر وان ماخانتي الذاكره ايام ماكنت طالبه كل الطلبه يسحبون عليها عطله ...
bang bang2
الله يسمع منج يا رب
وثانكس ع الطلة والكومت
^_^
==============================
تركواز
إن شاء الله
العشر الأواخر ما يغيبوون وايد اييون
حتى يقولون لهم الطلاب لا تعطونا واجب نبي نتعبد يقولون احنا مالنا شغل فيكم
ان شاء الله خير
وان شاء الله تتصلح المكيفات
ويكون عام دراسي حلو
و بعدين شد حيلك عشان تفتك و تخلص ثنوية
يعطيك العافية
اي والله :(
ذكرني الموضوع بنقاش دار بيني وبين الوزيرة قبل ما تمسك الوزارة .. بس ومع ان عندي الأدلة .. بس الكبير مايسمع للصغير :) للأسف العقليات الي بالكويت تعتقد بأن كبار السن اهم المنجزين لا الشباب والطاقات الموجودة علشان جذي احنا من وضع اسفل لأسفل مع الأسف الشديد
إرسال تعليق